Kuannersuarni suliniut pillugu suliaq

Nunatta eqqartuussisuuneqarfia aalajangerpoq Inatsisartut Namminersorlutillu Oqartussat pinngitsuutinneqassasut ”suliassanngortitaanngimmata eqqortut”. Tassa suliami eqqartuutitinniarneqarsinnaanngillat.

Nunatta eqqartuussisuuneqarfiata aalajangernerata kingorna oqartussaasut tallimat allat uku pillugit suliassanngortitsineq nangeqqinneqassaaq:

• Naalakkersuisut, Inuussutissarsiornermut, Niuernermut, Aatsitassarsiornermut, Inatsisinik Atuutsitsinermut Naligiissitaanermullu Naalakkersuisoqarfik
• Aatsitassarsiornermut Aqutsisoqarfik
• Naalakkersuisut, Naalakkersuisut Siulittaasuata Naalakkersuisoqarfia
• Naalakkersuisut, Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfik
• Aatsitassarsiorneq pillugu Avatangiisinut Aqutsisoqarfik

Illuatungeriit massakkut eqqartuussivitsigut allakkanik avitseqatigeeqqissapput, tamatumalu kingorna sivisunerusumik oqaatsitigut eqqartuussutissamik isumaqatigiinniuteqartoqarumaarpoq.

Nunatta eqqartuussisuuneqarfiata naatsorsuutigivaa 2026-mi ukiakkut illuatungeriit isumasioqatiginerisigut qaqugu eqqartuussutissamik isumaqatigiinniuteqarnerup ingerlanneqarnissaa aalajangersarneqassasoq.

Nunatta eqqartuussisuuneqarfiata ulloq manna aalajangernerata eqqartuussutaatalu eqikkarneqarnerat tusagassiuutinut nalunaarummi matumani akkiunneqarput.

Eqqartuussut nunatta eqqartuussisuuneqarfianut pissarsiariniarneqarsinnaavoq mailimut uunga allannikkut: post@landsret.gl

Ekstrakt af dom (pdf)
Ekstrakt af retsbog (pdf)

Suliami normuusoq tassaavoq BS-49550/2024-GRL.